Një shpërthim i fuqishëm i vullkanit Fuego në qendër të Guatemalës ka detyruar më shumë se 700 banorë të largohen nga shtëpitë e tyre për arsye sigurie.
Vullkani ndodhet rreth 18 kilometra larg qytetit turistik Antigua dhe është një nga më aktivët në vend. Sipas agjencisë sizmologjike të Guatemalës, nga krateri po dalin re të mëdha hiri që ngjiten deri në 4.8 kilometra në ajër, ndërsa rrjedhat e lavës po përhapen rreth zonës së kraterit.
Autoritetet janë në gatishmëri të plotë dhe po monitorojnë nga afër situatën, për të ndërhyrë nëse është e nevojshme. Deri tani nuk raportohet për viktima, por evakuimet janë bërë për të mbrojtur jetën e banorëve.
