Presidenti serb Aleksandër Vuçiç, e ka pranuar se para sulmit terrorist në Banjskë, që është takuar 3 netë rresht me Millan Radoiçiqin, njeriun kryesor që e ka pranuar se e ka organizuar sulmin e 24 shtatorit në veri, ku mbeti i vrarë një polic i Kosovës dhe tre terroristë serbë.
Vuçiç në një intervistë për një medium serb, ka thënë se në takim ishte edhe Sllavko Simiq dhe disa zyrtarë të tjerë.
“Unë tri net kam pas takim me ata, aty ishin Radoiçiq e Simiq edhe nja dhjetë burra tjerë. Më thanë në fytyrë se nuk ju besojnë as amerikanëve as evropianëve, ndërsa unë ju thashë se më duhet të ju besoj se nuk kam kujt tjetër sepse nuk kam askënd në terren”.
“Ata (amerikanët e evropianët) garantuan se shqiptarët nuk do arrestojnë askënd nga barrikadat. Pas tre muajve nisën arrestimet, mund të kuptoni telashet”, ka thënë Vuçië, duke theksuar se përgjegjësit e sulmit terrorist në Banjskë, do të ndiqen penalisht”.
