Presidenti i Ukrainës Volodymyr Zelensky ka mbërritur në Uashington, ku pritet të takohet me homologun amerikan Donald Trump për të firmosur marrëveshjen e arritur për mineralet e rralla.
Më herët Zelensky tha se të qenit në gjendje të takohej personalisht me Trump përpara se ta bëjë presidenti rus Vladimir Putin “është një sinjal i mirë”.
Udhëheqësi ukrainas shtoi se shpreson të diskutojë nëse SHBA planifikon të ndalojë ndihmën e saj ushtarake për Ukrainën dhe nëse po, nëse Kievi mund të blejë armë direkt nga SHBA.
Ai tha gjithashtu se dëshiron të dijë nëse Ukraina mund të përdorë asetet e ngrira ruse për të blerë armë dhe nëse Trump planifikon të heqë sanksionet ndaj Moskës.
