Një ngjarje tronditëse ka ndodhur në Paris, ku raportohet se një foshnjë ka ndërruar jetë tragjikisht pasi, sipas raporteve, u hodh nga dritarja e një dhome hoteli nga nëna e tij, një amerikane 18-vjeçare.
"The Mirror" shkruan se incidenti i tmerrshëm ndodhi në mëngjes herët në hotelin Ibis Style në arrondissementin e 20-të të Parisit, në rrugën des Réglises.
Dëshmitarët thanë se dëgjuan britma dhe menjëherë alarmuan shërbimet e urgjencës. Foshnja u dërgua me urgjencë në spitalin Robert-Debré, por pavarësisht përpjekjeve të stafit mjekësor, nuk arriti të mbijetojë.
E reja, që ishte pjesë e një grupi studentësh në një udhëtim studimor në Paris, u dërgua gjithashtu në spital, ku pritet të kalojë një operacion pasi kishte lindur së fundmi. Mediat lokale raportuan se foshnja ishte hedhur nga dritarja ende e lidhur me kordonin e kërthizës.
Një hetim është hapur për “vrasje të një minoreni nën 15 vjeç,” dhe autoritetet po shqyrtojnë mundësinë që vajza e re të ketë kaluar nëpër një mohimi shtatzënie. Zyra e Prokurorisë konfirmoi se ajo është marrë në ndalim. Hetimet vazhdojnë për të përcaktuar rrethanat e saktë të kësaj tragjedie.
