Një shpërthim ka ndodhur në konsullatë ruse sot në Marsejë, në Francën jugore, raportojnë mediet e huaja.
Ministria e Brendshme franceze tha në një deklaratë se një shishe plastike u hodh në murin e konsullatës në qytetin jugor të Marsejës dhe shpërtheu, raportoi Skynews.
Një pajisje e dytë u hodh, por nuk shpërtheu. Nga shpërthimi nuk pati viktima fatmirësisht dhe i gjithë personeli e konsulli rus nuk u lënduan.
Sipas agjencisë shtetërore ruse të lajmeve TASS, Ministria e Jashtme ruse tha se incidenti kishte shenjat e një “sulmi terrorist” dhe kërkoi një hetim të plotë nga autoritetet franceze.
Zëdhënësja e Ministrisë së Jashtme Maria Zakharova tha: “Ne kërkojmë nga Franca masa shteruese dhe të menjëhershme për të hetuar, si dhe hapa për të forcuar sigurinë e misioneve të huaja ruse.”
Theksojmë se incidenti në qytetin jugor francez ndodhi në 24 shkurt, ditën kur shënohet 3-vjetori i pushtimit rus në Ukrainë.
