Kur Yuliia Petrenko, një avokate 31-vjeçare me origjinë nga Donetsk, mbërriti jashtë Downing Street për demonstratën "Stand With Ukraine" të shtunën, ajo filloi të qajë.

"Gjëja e parë që pashë ishte djali i vogël i dikujt me një shenjë që thoshte 'Putin po vret gjyshin tim' dhe unë shpërtheva në lot," tha Petrenko.

Ashtu si shumë ukrainas që jetojnë në Mbretërinë e Bashkuar, Petrenko ka përjetuar një valë emocionesh ditët e fundit si: frikë, zemërim, zhgënjim, pafuqi, faj,  teksa flet me të afërmit në shtëpi duke përjetuar ardhjen e luftës.

“Për momentin, tezja ime, kushëriri im dhe qenushja e tyre janë në një strehë,” tha ajo për Guardian në tubim. Ata u larguan nga rajoni i Donetskut për në Kiev pas pushtimit të Rusisë në vitin 2014. Tani, lufta i ka ndjekur. "Duket sikur po pret të zgjohesh nga një makth," tha Petrenko. "Ata nuk mund ta besojnë atë që po ndodh, ata ndihen si rosat ulur."

Petrenko iu bashkua qindra njerëzve në Londër të shtunën duke demonstruar mbështetjen e tyre për Ukrainën dhe neverinë ndaj pushtimit të Rusisë, ndërsa turma të ndryshme shprehën solidaritetin e tyre me ukrainasit dhe u bënë thirrje udhëheqësve perëndimorë që të ndërmarrin veprime më të forta.