Merr fund armëpushimi! Izraeli kreu bombardimet më të rënda që nga fillimi i armëpushimit në Gaza më 19 janar, gjatë natës, me numrin e fundit që raporton të paktën 330 të vdekur.
“Ministria e Shëndetësisë ka regjistruar më shumë se 330 të vdekur, shumica prej tyre fëmijë dhe gra, dhe qindra të plagosur, dhjetëra prej të cilëve janë në gjendje kritike”, tha për AFP drejtori i Ministrisë së Shëndetësisë Mohamed Zakout.
Sipas ushtrisë izraelite, sulmet do të vazhdojnë për aq kohë sa të jetë e nevojshme dhe do të zgjerohen, ku Reuters thekson se ky raport lë të hapur mundësinë e rifillimit të operacioneve tokësore nga trupat izraelite.
Nga ana e tij, Hamasi, përmes një zyrtari të lartë që foli për Agjencinë Franceze të Lajmeve, akuzoi Izraelin se ka vendosur të sakrifikojë pengjet duke rifilluar bombardimet.
"Vendimi i Netanyahut është një dënim me vdekje kundër pengjeve," tha një zëdhënës i Hamasit, i cili pohoi se kryeministri izraelit po kërkon në bombardimet një "lidhë shpëtimi" nga kriza e brendshme në vend, gjithashtu akuzon Izraelin për përfundimin e njëanshëm të armëpushimit dhe u ka kërkuar ndërmjetësuesve, Egjiptit, Katarit dhe SHBA-së, që të jenë përgjegjës për të.
Pak orë pas bombardimeve të rënda, IDF lëshoi një deklaratë për evakuimin e menjëhershëm të zonave të Rripit të Gazës, duke shpallur Beit Hanoun, Khirbet Khuza'a, Abasan al-Kabira dhe al-Jadida "zona të rrezikshme lufte".
