Presidenti i Francës, Emmanuel Macron do të mirëpresë sot në mbrëmje homolgun ukrainas Volodymyr Zelensky, përpara një samiti të vendeve të gatshme për të ndihmuar në garantimin e një marrëveshjeje të mundshme paqeje midis Ukrainës dhe Rusisë.

Theksojmë se Franca dhe Britania e Madhe kanë udhëhequr një iniciativë për të formuar të ashtuquajturin “koalicioni i të gatshmëve”, i cili do të përbëhet nga vende të përgatitura për të ofruar garanci sigurie në rast të një armëpushimi midis Rusisë dhe Ukrainës. Koncepti do të finalizohet nesër në një samit në Paris.

Aleatët perëndimorë të Ukrainës po konsiderojnë monitorimin e një zone të mundshme të çmilitarizuar në kufirin midis Rusisë dhe Ukrainës.

Kjo do të realizohet kryesisht nga ajri dhe me ndihmën e mjeteve teknike si satelitët dhe dronët. Njësitë detare gjithashtu mund të vendosen për të monitoruar lirinë e lundrimit në Detin e Zi.

Sipas planeve, një forcë paqeruajtëse në kuptimin konvencional mund të mobilizohej përmes Kombeve të Bashkuara, e përbërë ekskluzivisht nga ushtarë nga vende të treta jopartiake.

Forcat evropiane më pas mund të vendosen në kufirin perëndimor të Ukrainës dhe të ofrojnë programe trajnimi për partnerët e tyre ukrainas. Garantuesi kryesor i sigurisë do të ishte superfuqia bërthamore e Shteteve të Bashkuara të Amerikës.