Kina fillimisht do të dëmtohet nga tarifat e reja të Donald Trump.
Duke llogaritur taksën e re prej 34%, plus detyrimet ekzistuese, totali rritet në 65%—dhe pak më i lartë nëse përfshin heqjen përçarëse të një përjashtimi tarifor për paketat e vogla. Kjo do të dëmtojë ekonominë e vendit aziatik. Lufta tregtare sapo ka nisur ndërsa Partia Komuniste ende po lufton me deflacionin, një rënie të tregut të banesave dhe demografinë e zymtë.
Pavarësisht gjithë kësaj, Kina hyn në epokën e re të MAGA-s që është më e fortë se në mandatin e parë të zotit Trump.
Në analizën e javës The Economist parashikon se beteja tregtare në të ardhmen do të shkojë në favorin e Kinës, pasi kjo e fundit do të kundërpërgjigjet, aq sa me ironi ka përdorur si imazh ilustrues një kapele të Trump me titull: Bëjeni Kinën sërish të madhe.
Ndërsa Amerika nën udhëheqjen e Donald Trump pretendon të bëhet sërish e madhe, ka mundësi që Kina të përfitojë nga politikat e gabuara të Presidentit amerikan dhe të bëhet akoma edhe më e madhe. /Liberale.al/
