Santorini vijon të lëkundet nga tërmet e herë pas hershme, të cilat kanë shkaktuar panik tek banorët dhe turistët të cilët kanë përshpejtuar planet e largimit nga vendi.
Gjashtë tërmete midis orës 06:15 dhe 07:05 (me kohën lokale) janë regjistruar në Amorgos dhe Anafi mëngjesin e sotëm.
Mediet në Greqi raportojnë për një tërmet i fortë me magnitudë 4.5 ballë të shkallës Rihter u regjistrua 14 km në juglindje të Arkesinit, Amorgos, me një thellësi fokale prej 5 km.
Në një njëjtën zonë u regjistrua edhe një tërmet me magnitudë 4.8 të shkallës Rihter.
Ndërkohë njerëzit vazhdojnë në largohen nga Santorini përmes ninjave ajrore, ndonëse çmimi i biletave është rritur dhe në numër të kufizuar gjithashtu.
Herët në mëngjes, porti i ishullit ishte i mbushur me njerëz, pasi shumë familje prisnin të hipnin në anije për në Pire.
Sipas të dhënave të fundit, mbi 9 mijë persona (banorë dhe turistë) janë larguar nga ishulli.
Kostas Papazachos, profesor i gjeofizikës, e përshkroi sekuencën sizmike midis Santorinit dhe Amorgos si “të vështirë”.
Në fakt, siç tha ai, sekuenca sizmike tregon ardhjen e një lëkundjeje më të fortë në ishull.
