Presidenti i Turqisë, Recep Tayyip Erdogan, tha se dëshiron të presë Vladimir Putinin, Volodymyr Zelenskyn dhe Donald Trumpin për një takim të rëndësishëm. Ai tha se Turqia do të ndërmarrë hapa për të organizuar këtë takim pas raundit të fundit të bisedimeve midis delegacioneve.
Erdogan e quajti takimin e fundit në Stamboll “të shkëlqyer”.
Nga ana tjetër, zëdhënësi i ministrisë së jashtme ukrainase, Heorhii Tykhyi, tha se Zelensky është i gatshëm të takohet me Putinin, nëse ky i fundit pranon ftesën. “Nëse Putini është gati të takohet nesër, Zelensky është i gatshëm,” tha ai.
