Në një dalje për mediat, kryeministri Edi Rama zbuloi vendimet e marra nga Qeveria për të përballuar pasojat e tërmetit. Së pari, ai njoftoi se do të ketë përjashtim për këtë periudhë të vitit të lejohen autoritetet kontraktore vetëm duke iu referuar familjeve të prekura nga tërmeti për të plotësuar nevojat proceduriale me procedura prokurimi me vlerë të vogël deri në 10 mln lekë të vjetra se ka shumë nevoja që kushtojnë pak në raport me volumin e përgjithshëm por kanë një impakt të rëndësishëm për familjet. Së dyti do ekzaminohen ashensorët në shkallë vendi për sigurinë e tyre.
Së treti, masa detyruese për ndërtuesit për zhvilluesit, investitorët për të lidhur një kontratë sigurimi me afat 10 vjeçar me blerësit e apartamenteve, kontrata mbulon dëmet ndaj të tretëve që rrjedhin ku për shkak të terrenit apo defektit në ndërtim ndërtimi shembet -pjesërisht ose tërësisht apo paraqet rrezik shembje. Së katërti, përshpejtim për lejet e ndërtimit e riparimeve për ndërtimet që kanë pasur dëme nga tërmeti. Së pesti, është vendosur për organizmin e funksionimin e policimit vullnetar, si në vende të tjera që e nxisin angazhimin qytetar në ndihmë të pol së shtetit gjatë emergjencave natyrore.
Së gjashti, OSHË dhe Ujësjellësit do zerojnë detyrimin e familjeve të dëmtuara që janë në kushte pabanueshmërie. Së fundi, kreu i qeverisë sqaroi gjithashtu se fondi i vënë në dispozicion për dëmet nga tërmeti është 6 milionë dollarë teksa, personave të cilëve iu është shembur shtëpia, qeveria merr përsipër t’ua ndërtojë por nuk do t’u japë lekë në dorë. /Gazeta Liberale
