Të paktën 21 persona kanë mbetur të vdekur në Republikën Domenikane, mes tyre tre fëmijë, pas përmbytjeve gjatë fundjavës, që zhvendosi mijëra banorë nga zonat e rrezikuara.
Një hetim është nisur pasi nëntë persona humbën jetën kur shiu i rrëmbyeshëm shkaktoi shembjen e murit të tunelit të autostradës, në kryeqytetin Santo Domingo.
Më shumë se 13,000 njerëz u evakuuan në zona të sigurta pas reshjeve të mëdha.
Qendra e Operacioneve Emergjente (COE) tha se shiu shkaktoi përmbytje të shtëpive, ndërprerje të energjisë elektrike dhe dëmtoi disa ura e rrugë.
Presidenti i Republikës Domenikane, Luis Abinader e quajti atë si "ngjarjen më të madhe të përmbytjeve në dekadat e fundit", pas stuhive të rrëmbyeshme gjatë 48 orëve të fundit.
