Aktualitet

Zbulohet shkaku i helmimit të dhjetëra qytetarëve në Bulqizë

Shkruar nga Liberale
Zbulohet shkaku i helmimit të dhjetëra qytetarëve në

Pas helmimit të rreth 40 banorëve në fshatin Gjoricë të Bulqizës, shkaktuar nga uji i pijshëm, policia ka proceduar penalisht në gjendje të lirë një 64-vjeçar me iniciale K.M.

Pas hetimeve të policisë dhe prokurorisë në bashkëpunim me AKU-në rajonale, u zbulua se ishin përzier ujërat e pijshëm me ujërat e zeza në fshatin Gjoricë.

Sipas policisë, ngjarja ndodhi për shkak të montimit të një tubi plastik nga 64-vjeçari. Ky i fundit është pronari i një HEC-i lokal në atë zonë. Përzieja e ujërave u shkaktoi helmimin nga uji të disa banorëve të këtij fshati.

64-vjeçari akuzohet për veprën penale “Ndotja e ajrit, e ujërave dhe e tokës”. Pasi mornë ndihmën mjëkësore, të gjithë banorët u larguan në banesat e tyre dhe ndodhen në gjendje të mirë shëndetësore.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Liberale Newsroom

Poll
SHQIPENGLISH