Ambasadorja amerikane në Tiranë, Yuri Kim ka shprehur mbështetjen e SHBA-së për vazhdimin e reformave në Shqipëri.
Gjatë fjalës së saj në konferencën "Votimi nga jashtë vendit, koha është tani", ambasadorja tha se duhet të merren hapat e duhur për diasporën, për të ushtruar të drejtën e saj të votimit.
Për herë të parë, ambasadorja ka shprehur rezervat për zgjedhjet e 25 prillit, duke thënë, se "ishin të mira, por nuk ishin perfektë. Të gjithë e dinë këtë".
Fjala e Yuri Kim
Jam e kënaqur që jam me ju për këtë diskutim mbi votimin e diasporës nga jashtë vendit. Është mirë të shikosh të gjithë bashkë për të diskutuar për shtrirjen e votës jashtë vendit.
Duke pasur parasysh edhe statutet dhe Kushtetutën, është koha e duhur që të merren hapat që diaspora të mund të ushtrojë këtë të drejtë. Mënyra të lira dhe të drejta për të zgjedhur udhëheqësit tanë. Akti i mbajtjes së zgjedhjeve është një demonstrim i forcës. Zgjedhjet një çast në proceset demokratike. Zgjedhjet parlamentare të 2021 shënuan një ngjarje vendimtarë, që ishte rikthimi i opozitës në Kuvend.
Zgjedhjet e 25 prillit ishin të mira, por nuk ishin perfektë. Të gjithë e dinë këtë. SHBA mirëpresin takime të tilla për të adresuar problemet në zgjedhje përfshirë edhe mungesën e diasporës për të votuar. Ne nxisim punën dy partiake që zgjedhjet e ardhshme të përmbushin standardet.
SHBA do mbështesin reformat për Shqipërinë, qoftë ajo e drejtësisë, qoftë ajo zgjedhore.
E drejta e diasporës për të votuar mbështetet nga Kushtetuta. Sistemet tona të qeverisjes janë gjithmonë të papërsosura.
Mbrojtja më e mirë e domokracisë është ushtrimi i saj. SHBA do të vazhdojnë të mbështesin reformat që janë të nevojshme për të forcuar institucionet e Shqipërisë. Ne mbështesim të gjitha proceset zgjedhore që ta ndihmojnë Shqipërinë në rrugën Evropiane.
