“Shtetet e Bashkimit Europian duhet të nisin më herët fushatwn e madhe të vaksinimit kundër gripit, për të ulur rrezikun e shpërthimeve Covid”. Kështu ka deklaruar Komisioni Europian pasi fushatat për vaksinim kundër gripit normalisht fillojnë në vjeshtë, por sivjet këshillohet që ato të fillojnë gjatë verës.
Zyrtarët e BE-së janë të shqetësuar se spitalet mund të mbingarkohen nga një numër i madh pacientësh, siç ndodhi në kulmin e pandemisë së koronavirusit në Europë.
Komisioni Europian po ashtu iu bëri thirrje shteteve që të blejnë më shumë vaksina kundër gripit, ndërsa shkencëtarët në Mbretërinë e Bashkuar kanë paralajmëruar se vala tjetër e koronavirusit në dimër mund të jetë më vdekjeprurëse./Gazeta Liberale
