Sheshi “Skënderbej” është mbushur sot, në mëngjes nga mijëra besimtarë myslimanë.
Në shesh u organizua ceremonia e faljes së namazit të Fiter Bajramit, e cila nisi në orën 06:20.
“Muaji Ramazan është muaji ku për secilin nga ne u krijuan rrethanat për shpëtim dhe udhëzim në rrugën e vërtetë. Lutemi të kemi dalë nga muaji i Ramazanit me një pastërti dhe ndriçim shpirtëror. Ashtu siç thotë i dërguari i Zotit: Nëse kemi agjëruar me besim dhe bindje te Zoti i gjithëpushtetshëm, Ai na i ka fal mëkatet”, u shpreh Kryetari i Komunitetit Mysliman të Shqipërisë, Bujar Spahiu.
Kujtojmë se besimtarët myslimanë kremtojnë festën e Fiter Bajramit, pas 30 ditësh agjërimi.