Politikë

Pampuri: PD do të ofrojë kushte të barabarta për të gjithë dhe liri ekonomike, oligarkia e krijuar nga qeveria ka thelluar ndarjen

Shkruar nga Liberale

Pampuri: PD do të ofrojë kushte të barabarta për të

Pas raportit të fundit të Bankës Evropiane për Rindërtim dhe Zhvillim që e cilësonte standardin e jetesës në Shqipëri pas vitit 2018 të përkeqësuar, ka reaguar nënkryetarja e PD-së, Orjola Pampuri.

Pampuri shprehet se standardi i jetesës është përkeqësuar, sepse qeveria i ka braktisur njerëzit, çka bën që rinia të largohet nga vendi, ndërsa investitorët e huaj të hezitojnë të vijnë në Shqipëri.

“Një qeveri e korruptuar nuk mund të vazhdojë të qëndrojë, sepse çdo ditë që kalon vetëm thellon korrupsionin dhe largon rininë nga vendi, sepse ata nuk shohin asnjë lloj të ardhme.” – vijon më tej Pampuri.

“Partia Demokratike është e vendosur të bëhet një alternativë e besueshme për shqiptarët.

Këtë do ta bëjmë me programin tonë për të rinjtë dhe për krijimin e një klime të mirë biznesi për investitorët vendas dhe të huaj. Kjo qeveri ka krijuar një oligarki, duke thelluar ndarjen dhe duke pasuruar disa në kurriz të të tjerëve.

PD do të ofrojë kushte të barabarta për të gjithë, duke garantuar që liria ekonomike dhe një klimë e mirë biznesi do t’i japin mundësinë secilit të tregojnë aftësinë që kanë dhe të marrin atë që meritojnë.” – përfundon deputetja e PD-së, Orjola Pampuri.

Më poshtë deklarata e plotë:

Standardi i jetesës në Shqipëri është përkeqësuar.

Kjo qeveri jo vetëm që nuk ka bërë asgjë për shqiptarët, por jeta e tyre vitet e fundit është përkeqësuar edhe më shumë në aspektin ekonomik.

Nuk ka asgjë më të rëndësishme për çdo nënë, për çdo familje, se sa brezi i ri.

Kjo qeveri i ka braktisur dhe ata.

Banka Evropiane për Rindërtim dhe Zhvillim në raportin e saj të fundit thekson se pas vitit 2018 qeveria në Shqipëri ka qenë pengesa kryesore për investitorët e huaj dhe inkurajimi i të rinjve për t’u larguar nga Shqipëria.

Kjo është një kambanë alarmi, të cilën PD e ka ngritur shumë herë.

Një qeveri e korruptuar nuk mund të vazhdojë të qëndrojë, sepse çdo ditë që kalon vetëm thellon korrupsionin dhe largon rininë nga vendi, sepse ata nuk shohin asnjë lloj të ardhme.

Partia Demokratike është e vendosur të bëhet një alternativë e besueshme për shqiptarët.

Këtë do ta bëjmë me programin tonë për të rinjtë dhe për krijimin e një klime të mirë biznesi për investitorët vendas dhe të huaj.

Kjo qeveri ka krijuar një oligarki, duke thelluar ndarjen dhe duke pasuruar disa në kurriz të të tjerëve.

PD do të ofrojë kushte të barabarta për të gjithë, duke garantuar që liria ekonomike dhe një klimë e mirë biznesi do t’i japin mundësinë secilit të tregojnë aftësinë që kanë dhe të marrin atë që meritojnë.

Liberale Newsroom

Poll
SHQIPENGLISH