Një ngjarje e rëndë është regjistruar këtë të premte në zonën e Yzberishtit, në Tiranë, ku një adoleshent 14-vjeçar ka rënë nga kati i gjashtë i një pallati.
Sipas burimeve paraprake, ngjarja ka ndodhur në rrethana ende të paqarta dhe i mituri është transportuar me urgjencë në spital në gjendje të rëndë për jetën. Mjekët po bëjnë gjithçka për t’i shpëtuar jetën.
Në vendngjarje kanë mbërritur forcat e policisë, të cilat kanë nisur hetimet për të zbardhur dinamikën dhe shkaqet e rënies. Ende nuk dihet nëse bëhet fjalë për një aksident, tentativë vetëhedhjeje apo ndonjë rrethanë tjetër.
