Policia e Tiranës ka goditur një rast të shpërndarjes së drogave të forta dhe ka arrestuar një 25-vjeçar. Sipas bluve, 25-vjeçri i arrestuar shpërndante lëndë narkotike kokainë në Kamëz dhe Valias. Mësohet se në pranga ra shtetasi L. G., 25 vjeç, banues në Durrës.
“Arrestimi i këtij shtetasi u bë pasi gjatë kontrollit fizik dhe kontrollit të banesës shërbimet e Policisë gjetën dhe sekuestruan në cilësinë e provës materiale qese plastike me lëndë narkotike të dyshuar kokainë, e ndarë në doza, gati për shitje, 2 armë të ftohtë(thikë dhe shkop metalik si të policisë, 1 peshore elektronike si dhe një shumë parash e përfituar nga veprimtaria kriminale”, njoftoi policia.
Gjithashtu i riu rezulton i dënuar më parë për heqje të paligjshme të lirisë. Ndaj tij rëndon akuza “Prodhimi dhe shitja e narkotikëve”.
