Shqiptarët që ndodhen në burgun e Korfuzit në Greqi kanë protestuar për të drejtat e tyre. Ata thonë se jetojnë në kushte shumë të këqija dhe se trajtohen keq vetëm sepse janë shqiptarë.
Sipas tyre, nuk u ofrohet ushqim i mjaftueshëm, ujë dhe nuk kanë mundësi të përfitojnë nga të drejtat ligjore si të burgosurit e tjerë, përfshirë marrjen e lejeve apo lirimin me kusht. Ata thonë se të burgosurit grekë trajtohen më mirë dhe kanë më shumë të drejta.
Në shenjë proteste, një i burgosur shqiptar ka djegur qelinë e tij. Pas këtij veprimi, ai është dhunuar nga gardianët dhe është kërcënuar me jetë.
Shqiptarët në burgun e Korfuzit kërkojnë që Ministria e Drejtësisë dhe Ambasada Shqiptare në Greqi të ndërhyjnë për të ndihmuar dhe mbrojtur të drejtat e tyre
