Në Gjykatën e Shkallës së Parë në Korçë u zhvilluan sot masat e sigurisë për policët e Kapshticës të arrestuar nga Agjencia e mbikëqyrjes Policore, si dhe për drejtuesin e mjetit, i cili u kap duke transportuar me automjetin e tij 6 kilogramë heroinë.
Në përfundim të seancës, gjykata vendosi vleftësim si të paligjshëm të arrestimit të policëve si dhe pezullim nga detyra për:-
1.N/komisar Ylli Dushku me detyre Pergjegjes Turni ne PKK Kapshtice
2.Inspektor Franc Bylyku me detyre N/specialist kontrollor ne PKK Kapshtice
3.Inspektor Lirim Hymetllari me detyre Trupe sherbimi ne PKK Kapshtice
4.Inspektor Denion Myteberi me detyre Trupe sherbimi kontroll vija e dyte ne PKK Kapshtice
Ndërsa për drejtuesin e mjetit gjykata vendosi masën arrest me burg.
Seanca zgjati 4 orë e 20 minuta.
Tre inspektorët dhe nënkomisari u arrestuan 3 ditë më parë nga Agjencia e Mbikqyrjes Policore, pasi dyshohet se kishin lejuar të kalonte një mjet në Pikën e Kapshticës, e cila po transportonte 6 kg heroinë të ndarë në pako.
