Një 26-vjeçar mbeti i vrarë pasditen e sotme në qytetin e Kavajës pas një konflikti të çastit me një tjetër person. Viktima është identifikuar si shtetasi Marius Ismaili.
Ngjarja ka ndodhur në një lokal në qytet ku 26-vjeçari është qëlluar me armë gjahu nga 60-vjeçari Xhevdet Lecini.
Dyshohet se gjithçka ka ndodhur për motive banale dhe nën efektin e alkoolit.
Autori i krimit mësohet se e kishte me leje armën e gjahut, ndërsa është shoqëruar në komisariat për veprime të mëtejshme.
Trupi i pajetë i të riut është transportuar drejt morgut të spitalit të Durrësit.
Grupi hetimor po mbledh provat në vendin e ngjarjes.
