Ka përfunduar numërimi në 3 Bashkitë, Elbasan, Kamëz dhe Vorë ku u votua elektronikisht. Rezultati pritet të dalë shumë shpejt, e ndërsa Blerim Shera i PS në Vorë dhe Rakip Suli në Kamëz duket kanë shpallur fitoren. Në Elbasan, Luçiano Boçi ka humbur dhe në qendrën e vet të votimit.
Kandidati i PS Gledian Llatja ka marrë fitoren në bashkinë Elbasan përballë kandidatit të Berishës dhe Metës, Luçiano Boçi me mbi 55% të votave. Mbeten ende pa u pasqyruar 74 kuti nga 224 gjithsej por nuk pritet të ketë ndikim në rezultat.
Partia Socialiste ka fituar thellë në Kamëz, me 60.65 për qind të votave, ndërkohë që kandidati I Berishës ka marrë vetëm 35.11 % të votave. Edhe në Vorë socialistët kanë marrë një rezultat spektakolar. Blerim Shera ka marrë 74.3 për qind të votave ndërsa Indrit Hoxha vetëm 25.72 për qind.
