Gati dy orë para fillimit të ndeshjes ndaj Polonisë, është publikuar formacioni zyrtar i Shqipërisë.
Trajneri Edy Reja ka vendosur të lërë në stol Armando Brojën, por edhe Myrto Uzunin, edhe pse një ditë më parë në konferencën për shtyp u shpreh se Shqipëria do të synojë ta ndëshkojë kundërshtarin edhe me anë të kundërsulmit.
Në sulm, Reja i ka besuar dyshes Cikalleshi-Manaj. Ndërkohë, një mungesë e rëndësishme për Shqipërinë në këtë sfidë është ajo e Bajramajt, i cili mori me vonesë lejen nga Empoli.
