Pavarësia nga Britania/ Johnson i refuzon Skocisë referendumin e dytë

Kryeministri britanik, Boris Johnson i është përgjigjur negativisht kërkesës së kryeministres skoceze, Nicola Sturgeon për një referendum të dytë.

Johnson thekson në letrën zyrtare se Skocia dha një premtim në 2014 dhe skocezët votuan masivisht për të mbajtur Britaninë e Madhe të bashkuar.

”Sot i kam shkruar Nicola Sturgeon. Populli Skocez votoi me vendosmëri për ta mbajtur Mbretërinë e Bashkuar, së bashku, një rezultat të cilin Qeveria Skoceze dhe ajo e Anglisë u përkushtuan ta respektojnë. Le ta bëjmë vitin 2020 një vit rritje dhe mundësi për të gjithë Mbretërinë e Bashkuar”, shkruajti Johnson në Twitter.

Nicola Surgeon i kërkoi më 19 dhjetor Johnson që parlamenti britanik t’i japë fuqinë dhe të dretën parlamentit skocez për të zhvilluar një referendum të dytë pavarësie./Gazeta Liberale

Tags: Boris Johnson, Kryeministri britanik, Nicola Surgeon, referendum