Bota e sportit mbeti e pikëlluar nga vdekja e kampiones, Emilia Brangefalt, e cila i dha fund jetës. Vrapuesja 21-vjeçare në distanca të gjata kishte fituar medaljen e bronztë në Kampionatin Botëror të Trail 40 km në Chiang Mai, Tajlandë, në vitin 2022, ndërsa këtë vit kishte dalë e pesta në mbarë botën në një kampionat në Innsbruck të Austrisë. Mirëpo, pas një palpitacioni (çrregullim i rrahjeve të zemrës) të rëndë, mjekët i kishin kërkuar që të shmangte stërvitjet për një kohë të gjatë dhe kjo duket se e kishte dëmtuar atë, si fizikisht ashtu edhe mendërisht. Dy javë më parë ajo bëri postimin e saj të fundit në Instagram: “Ka pak kohë që nuk kam postuar ndonjë gjë këtu. Dhe kjo sepse që nga fundi i korrikut, trupi im ka fikur çelësat. Nuk isha në gjendje të stërvitesha për shkak të palpitacioneve të forta. Tani për tani edhe ecja është e dhimbshme për mua. Unë kam qenë në spital dhe më kanë vizituar mjekë mbi 20 herë, por të gjitha analizat dalin mirë. Por sërish trupi im është nën një presion të madh, edhe pse i kam dhënë kaq shumë dashuri gjatë muajve të fundit. Ndoshta e kam tepruar në ndeshjet e fundit. Jam shumë e trishtuar, për mua vrapimi dhe stërvitja do të thotë shumë. Por tani është e vështirë të vazhdosh një jetë normale. Muajin e fundit kam kaluar më shumë orë në shtrat sesa në këmbë. Ndoshta një ditë do të kthehem. Ndoshta jo. Shpresoj që trupi im ta kapërcejë atë".

 

View this post on Instagram

 

A post shared by Emilia Brangefält (@emiliabrangefalt)

Federata Suedeze e Atletikës konfirmoi informacionin se atletja e re kreu vetëvrasje dhe bëri të ditur si vijon: “Në muajt e fundit Emilia është ndjerë shumë keq, si fizikisht ashtu edhe mendërisht. Ajo kishte mbështetje të mirë nga njerëzit e afërt, por më 13 nëntor i dha fund jetës". Historia e saj duket se nxjerr në pah efektin e dobishëm të sportit edhe në shëndetin mendor – por edhe faktin që edhe kampionët e botës mund të përballen me sfida të paimagjinueshme mendore, për të cilat ata kanë nevojë për mbështetjen më të mirë të mundshme./Liberale.al