Momente paniku për Elseid Hysajn dhe familjen e tij, pasi Ferrari i mbrojtësit shkodran mori flakë papritur.
Mësohet se lojtari i kombëtares dhe vjehrri i tij ishin brenda në makinë gjatë momentit që Ferrari mori flakë, ndërsa bashkëshortja ishte jashtë.
Për pak minuta Hysaj dhe vjehrri i tij nuk po arrinin të dilnin me dyert që u mbyllën në mënyrë automatike.
Fatmirësisht asnjëri prej tyre nuk u lënduan, ndërsa mjeti u dëmtua plotësisht.
Hysaj në një prononcim të shkurtër për “Il Messaggero” bëri të ditur se zjarri mund të ishte shkaktuar nga një difekt i fabrikës në momentin e prodhimit.
“Makina mori flakë në mënyrë të papritur, për fat të mirë askush nuk u lëndua. Ia dolëm që t’i shpëtonim në kohë rrezikut, besoj se bëhet fjalë për një problem të fabrikës”, u shpreh Hysaj, shkruan Supersport.
