Në Zyrih po mbahet shorti i kualifikueseve të Kupës së Botës 2026, aty ku Shqipëria do të mësojë kundërshtarët.
Këtë herë rrugëtimi është edhe më i vështirë pasi në Botëror kualifikohen automatikisht vetëm vendi i parë, ndërsa vendi i dytë në grup shkon në “play-off”.
Shqipëria bën pjesë në vazon e tretë së bashku me Skoci, Slloveni, Irlandë, Maqedonia e Veriut, Gjeorgji, Finlandë, Islandë, Irlanda e Veriut, Bosnje, Mali i Zi dhe Izraeli. Me asnjë nga këto ekipe nuk mund të shortohet.
Në vazon e dytë ndodhen ekipe që Shqipëria i njeh mirë, rivalë si Ukraina apo Çekia, por Liga e Kombeve vërtetoi se sërish janë më lart, jo më kot ndodhen në vazon e dytë. Interesi është i madh për këtë vazo pasi ka dhe përfaqësuese si Serbia apo Greqia. Në vazon e katërt dhe të pestë janë ekipe të lehta në letër, por kujdes nga vazo e katërt mund të “peshkojmë” edhe Kosovën.
Nëse Shqipëria do të shortohet në një grup me katër ekipe atëherë ndeshjen kualifikuese do t’i nis në muajin mars, nëse do të shortohet në grup me 5 ekipe do t’i nisë kualifikueset në shtator.
Shorti:
Grupi A: Fituesi i Gjermani-Itali,
Grupi C: Humbësja e Portugali-Danimarkë,
Grupi G: Humbësja e Spanjë-Holandë,
Grupi I: Humbësja e Gjermani-Itali,
Vazot:
Vazo 1: Spanjë, Gjermani, Portugali, Francë, Itali, Holandë, Danimarkë, Kroaci, Angli, Belgjikë, Zvicër, Austri
Vazo 2: Ukrainë, Suedi, Turqi, Uells, Hungari, Serbi, Poloni, Greqi, Rumani, Sllovaki, Republikën Çeke, Norvegji
Vazo 3: Skoci, Slloveni, Republika e Irlandës, Shqipëri, Maqedonia e Veriut, Gjeorgjia, Finlanda, Islanda, Irlanda e Veriut, Mali i Zi, Bosnje-Hercegovina, Izraeli
Vazo 4: Bullgari, Luksemburg, Kosovë, Bjellorusi, Armenia, Kazakistan, Azerbajxhan, Estoni, Qipro, Ishujt Faroe, Letoni, Lituani
Vazo 5: Moldavia, Malta, Andorra, Gjibraltar, Lihtenshtajni, San Marino
