Për herë të parë në Shqipëri një pjesëmarrës në një reality show ka lënë garën për të ushtruar të drejtën e votës. Fermeri Lim Hoti, konkurrent në spektaklin “Ferma VIP”, ka dalë nga programi përkohësisht për të votuar në qendrën e tij të votimit, në shkollën e mesme në Babrru.
Udhëtimi i tij është ndjekur live nga produksioni i Ferma VIP, Tring dhe Vizion Plus, duke e kthyer momentin në një ngjarje mediatike me simbolikë të fortë qytetarie.
“Është shumë speciale, vendimin e kam marrë ka kohë. Mos e humbni besimin. Rruga e duhur dihet kush është. Dy zgjedhje në vit – fituam në Fermë, do fitojmë edhe këtu. Bëhet fjalë për të ardhmen tonë, votoni dhe mos humbni besimin“, u shpreh Hoti pasi hodhi votën.
