Reperja amerikane, Cardi B, ka deklaruar së fundmi se shpenzon afro tre milionë euro në muaj. Shumë ndjekës e pyetën në komente se pse bashkëpunon me Shein, një markë e modës nëse vesh marka luksoze. “Njerëzit thonë se unë siguroj jetesën duke bërë reklamat e Shein. Unë dua që të gjithë ta dini se unë mund të zgjohem nesër, të nënshkruaj një kontratë dhe të kem rreth 30 milionë euro në llogarinë time bankare”-tha reperja.

Ajo shtoi se shpenzon afërsisht tre milionë euro çdo muaj. Cardi ka treguar gjithashtu se si i janë ofruar 60 milionë euro për turneun. Ylli i famshëm pretendon se nuk dëshiron të nënshkruajë kontratë për një turne derisa të publikojë albumin e radhës. “E di që do ta shtojnë ofertën pasi ta publikoj albumin. Duhet të jesh i zgjuar. Nuk mund të sillesh si i uritur kur nuk je”-theksoi ndër të tjerash reperja.

Rikujtojmë se Cardi B tha së fundmi me shaka se do t’u thyente iPad-ët e fëmijëve të saj nëse nuk do të merrnin nota të mira në shkollë. Ajo u shpreh:

Rrugës për në konferencat prindër-mësues. iPad-ët do të prishen, telefonat do të hidhen në plehra, televizorët do të shkëputen, kabllot do të fiken. Unë nuk jam duke luajtur. Unë jam ajo lloj mami!

Reperja u bë para disa muajsh nënë për herë të tretë, duke sjellë në jetë një vajzë. Kjo u bë e ditur nga vetë artistja, teksa ndau edhe fotot e para të vogëlushes nga spitali. Ndërkaq, gjatë procesit të divorcit me reperin Offset, Cardi B është përballur me akuza nga ish-bashkëshorti i saj se ka pasur një lidhje gjatë kohës që ishte shtatzënë, akuza që ajo i ka konfirmuar pjesërisht.