Suplementi “Leteratura” i dedikohet letërsisë shqipe, ku nëpërmjet rubrikave të ndryshme vijnë shkrimtarë, rrëfime, kritika, dhe çdo e re rreth autorëve shqiptarë.

Këtë të hënë vjen me titullin kryesor "LUX, si ciceron dritëhijesh", një ktitikë nga Shqiptar Oseku, mbi përmbledhjen me tregime ‘LUX’ të shkrimtarit Loer Kume

"Peri i kuq që përshkon e përmbledh të gjitha rrëfimet e ‘LUX’ është gërshetim i ndërlikuar kontrastesh, mbi një idé letërsie në sfond që pajton kundërthëniet ekstreme të ekzistencës."

Shkrimtari Liridon Mulaj sjell në rubrikën etij Doni’s Review shkrimin e radhës me titull: “366 rrëfenja për të ndjellë gjumin” dhe një zgjim i ri i Besnik Mustafajt".

"... shkrimtari me përvojë, Besnik Mustafaj, ka riformatuar vetveten duke na sjellë një vepër të rrallë dhe krejtësisht të re, e cila jo vetëm rinon dhe shpall shkrimtarin Mustafaj si inovator në letërsinë e tij, por i jep të njëjtin efekt edhe letërsisë shqipe duke e ngritur atë në një tjetër stad, qoftë në nivel shkrimtarësh apo lexuesish."

Në rubrikën Ese, Mark Simoni sjell shkrimin me titull "Sheshi i Padovës, Rudolfi dhe Piedestali 88".

"Ka dëgjuar njeri se në vend të Lasgush Poradecit apo Frederik Rreshpjes kemi emëruar dhe vënë dy poetë të tjerë, apo se Mitrushin dhe Anton Pashkun i kemi zëvendësuar me filanin dhe me filanin?", shkruan ndër të tjera autori.

Dhe në fund, shkrimtarja Violeta Allmuça sjell një recensë me titull "Një libër për jetën dhe vdekjen".

"Dikujt mund t`i duket e pabesueshme, por autorja shkruan se ajo jeton dy jetë, dy besime, dhe komunikon me gjuhën e të vdekurve, shikon parajsën dhe ferrin, ndërkohë që parashikon të ardhmen. Pra gjithçka ndodh brenda qenies së saj dhe ajo e ndan këtë përvojë me ne."

Për të mësuar më tepër lexoni suplementin “Leteratura” në Gazetën Liberale, print ose online.