Aktualitet

“Jam viktimë e Saliut dhe e partiçkës së vogël”, Lefter Koka dhe Alqi Bllako mohojnë akuzat për inceneratorin

Shkruar nga Liberale
“Jam viktimë e Saliut dhe e partiçkës së

Të akuzuarit për aferën e inceneratorit të Tiranës kanë mohuar akuzat e ngritura nga SPAK, duke u shprehur se kanë kryer detyrën në përputhje me ligjin

Mes tyre ish-sekretari i Përgjithshëm i Ministrisë së Mjedisit Alqi Bllako, në mbrojtjen e tij ka pretenduar se për blerjen e makinerisë së birrës me vlerë 119.755 disponon fatura.

“E kam blerë personalisht në Çeki. Disponoj fatura që mund t’jua vë në dispozicion. Nuk kam përfituar blerje të tillë nga Klodian Zoto”, tha Bllako.

Për punësimin e Vladimir Bezhanit, Alqi Bllako tha: Është një kontratë e ligjshme me sektorin privat. As me rregullore as me ligj nuk ndalohet. Është një nga tre ekspertët më të mirë në republikë sa i përket studimeve për trajtimin e mbetjeve. Paga e personit të punësuar është e ligjshme, sa kohë është e ligjshme s’ka motiv për të ngritur akuzë.

Sa i takon komunikimeve të disa prej zyrtarëve me Klodian Zoton apo punonjës të kompanisë së tij, të akuzuarit kanë pretenduar se në rastin e ofertave të pa kërkuara duhet të ketë komunikim, bisedime e kontakte mes firmës që ka shfaqur interes dhe kontraktorëve.

Ndërkohë ish-ministri Lefter Koka ka deklaruar: "Akuzat janë ngritur mbi baze të opinionit politik e mediatik. Jam viktimë e Saliut dhe e partiçkës së vogël".

Liberale Newsroom

Poll
SHQIPENGLISH