Aktualitet

IKMT shemb 11 ndërtime pa leje në Dhërmi

Shkruar nga Liberale
IKMT shemb 11 ndërtime pa leje në Dhërmi

IKMT ka zhvilluar një aksion shembjeje ku ka rrëzuar 11 ndërtime pa leje të cilat ishin vendosur në plazhin e Dhërmiut.

Ndërtimet ishin pa leje dhe ishin vendosur në rërë. IKMT thotë se në kuadër të sezonit turistik është intensifikuar puna në Dhërmi, dhe jo vetëm, kështu do të vijohet në gjithë bregdetin.

Statusi i IKMT:

Dhërmi – IKMT prish 11 objekte të ndërtuara pa leje, ngritur në rërë

IKMT, në bashkëpunim me Policinë e Shtetit, ushtruan kontrolle në plazhe e hapësira publike në bazë të planit të masave të hartuara enkas për sezonin turistik veror.

Gjatë kësaj jave është verifikuar linja e bregdetit në Dhërmi ku u konstatuan 11 ndërtime pa leje, të ngritura në kundërshtim edhe me rregullat teknike, pasi ishin vendosur në rërë.

Ndaj këtyre objekteve është ndërhyrë me mjete duke i prishur, ndërsa ndaj pronarëve abuzivë janë marrë masa administrative dhe kryer veprimet procedurale për ndërtime në kundërshtim me ligjin.

IKMT dhe Policia e Shtetit vijon punën evidentimin dhe parandalimin e shkatërrimit të mjedisit qoftë përmes ndërtimeve pa leje, ashtu edhe me hedhje inertesh.

Ky aksion do të shtrihet në gjithë bregdetin dhe kudo ku ka ndërtime pa leje.

Policia e Shtetit dhe IKMT fton çdo qytetar të denoncojë shkeljet në numrin falas 112 ose përmes Komisariatit Dixhital.

#mbromjedisin

https://www.facebook.com/permalink.php?story_fbid=3249162578438769&id=893685447319839

Liberale Newsroom

A është e pranueshme (dhe e ligjshme) ndërhyrja e kryeministrit Rama në çështjet e brendshme të disa prej bashkive të vendit?

  • Po!
  • Jo!
Powered by the Tomorrow.io Weather API
SHQIPENGLISH