Globi

Fermeri grek vrau foshnjën, më pas nënën e tij (habia e ekspertizës pas autopsisë)

Shkruar nga Liberale

Një blegtor 56-vjeçar vrau me armë të dashurën e tij gjermane dhe foshnjën e tyre 11 muajshe, e më pas veten. Krimi i rëndë tronditi Greqinë, ndërsa ngjarja shokuese ndodhi mëngjesin e së premtes në Kavallë. Sipas ekspertizës mjekoligjore, rezulton se autori i ngjarjes ka qëlluar me plumba mbas shpine foshnjën dhe partneren e tij, kurse vdekja e tyre ka qenë e menjëhershme.

Fillimisht, ai qëlloi fëmijën në shpatullën e majtë, poshtë zonës së mëlçisë. Tronditës është fakti që pasi vrau foshnjën në sy të nënës, 56-vjeçari ndërroi plumbat në armë duke vendosur fishekë për derra të egër. Pasi ndërroi plumbat, ai qëlloi pas shpine 31-vjeçaren duke i çarë organet e brendshme, përfshirë zemrën, mushkëritë dhe mëlçinë.

Gruaja ra e vdekur pranë trupit të pajetë të foshnjës së saj dhe vdekja e saj ishte gjithashtu e menjëhershme.

Siç rezultoi nga ekspertiza mjeko-ligjore, autori ka tentuar dy herë të vrasë veten. Herën e parë, kur ka qëlluar veten në kraharor,  dyshohet se i ka rrëshqitur armën duke bërë që copëzat të kalojnë nën lëkurë dhe të dalin majtas nën sqetull. Nga gjuajtja e parë ai pësoi 4-5 fraktura në brinjë, por ato nuk ishin fatale pasi organet e brendshme nuk ishin të dëmtuara.

Më pas autori ka vendosur plumb tjetër në armë dhe tytën e ka futur në gojë, goditje që ka rezultuar fatale edhe për të, por pas goditjes së dytë. Mjeku që bëri autopsinë, tha se ky është një nga rastet e rralla kur një person qëllon dy herë veten.

Trupat e gruas dhe foshnjës do të transportohen në Gjermani për t’u varrosur, ndërsa 56-vjeçari do të varroset sot në Kavallë.

Liberale Newsroom

Poll
SHQIPENGLISH