Vazhdon të rritet numri i të infektuarëve me koronavirus në Itali. Sipas medias italiane, TGCOM, ka shkuar në 7.985 numri i pacientëve me koronavirus, ndërsa numri i të vdekurve është 463 dhe i atyre që janë shëruar 724.
Komisioneri i Mbrojtjes Civile, Angelo Borrelli, i cili ka bërë të ditur shifrat, ka bërë edhe krahasimin me një ditë më parë. Ai ka thënë se nga e diela deri sot janë infektuar 1,598 persona, ndërsa kanë humbur jetën 97 persona.
Ndërkohë, në Xhenova disa automjete të policisë bashkiake nga ky mëngjes kanë apeluar qytetarët me megafon për të mos dalë nga shtëpitë. "Vëmendje, qytetarët janë të ftuar të qëndrojnë në shtëpi sa më shumë që të jetë e mundur për të shmangur npërhapjen", ishte apeli i tyre.
"Është një masë paraprake e nevojshme për t'u zbatuar në çdo familje: është rreptësisht e nevojshme të zbatohen dispozitat ministrore dhe rajonale, duke demonstruar sensin dhe përgjegjësinë qytetare", shpjegi kryetari i Komunës së Xhenovas, Marco Di Capua./Gazeta Liberale
