Një 47-vjeçar është vrarë me armë zjarri në Tropojë. Ngjarja ka ndodhur në orën 23:32 të së dielës.
Viktima është shtetasi Guxim Gjyriqi. Sipas Policisë Gjyriqi është ekzekutuar në afërsi të Karburantit të tij, në lagjen “Partizani”, në Tropojë.
Informacioni paraprak
Më datë 05.01.2020, në orën 23:32, në afërsi të Karburantit të tij, në lagjen “Partizani” , është vrarë me armë zjarri në rrethana ende të paqarta, shtetasi G.Gj., 47 vjeç, banues në qytetin e Tropojës.
Në vendngjarje ndodhet grupi hetimor ku vijon punën për zbardhjen e rrethanave të ngjarjes, identifikimin dhe kapjen e autorit.
Shërbimet e Komisariatit të Policisë Tropojë, shërbimet e DVP Kukës, dy grupe të FNSH, vazhdojnë kontrollet dhe krehjen e zonës për të bërë të mundur kapjen e autorit./Gazeta Liberale
