Trajneri Emanuel Egbo ka folur për emocionet pasi Tirana ka fituar titullin kampion. Egbo e ka cilësuar një arritje të madhe jo vetëm për të, por edhe për kontinentin afrikan.
“Është një ndjesi e veçantë, ende nuk e kam kuptuar. Jam trajneri i parë afrikan që ka fituar kampionat në Evropë. Dje e kam marrë vesh këtë sepse nuk jam njeri i statistikave. Kjo arritje është shumë e madhe për mua dhe për të gjithë kontinentin tim. Është ndjesi tepër e veçantë”, tha Egbo.
