Cristiano Ronaldo ka një kontratë me Juventusin deri në vitin 2022 dhe qëllimi i tij është ta përmbushë atë. Sulmuesi portugez ëndërron të fitojë Champions-in e gjashtë, të rekordit personal, me fanellën bardhezi, kështu që nuk do të heqë dorë nga përpjekjet e tij.
Në orët e fundit kanë dalë informacione që sigurojnë se e ardhmja e tij e menjëhershme mund të jetë larg “Zonjës së Vjetër”, madje se i është ofruar Barcelonës. Spanjollja “AS” thotë se ka kontaktuar mjedisin më të afërt të lojtarit, i cili i mohon fakte të tilla: “Gjithçka është false (gënjeshtër)”.
Përveç kësaj, përfaqësuesit e kampionit portugez theksojnë se si Cristiano, edhe familja e tij, ndjehen shumë të lumtur në Torino. Pra, dëshira e tyre është që të qëndrojnë të lidhur me Juventusin deri në fund të kontratës.
Liga e Kampionëve mbetet mollë e ndaluar për Juventusin edhe pas ardhjes së Cristiano Ronaldos. Sidoqoftë, ylli portugez mbylli një sezon të shkëlqyeshëm në planin personal, i kurorëzuar me “Scudetto”. Si individ, ai ka shënuar 37 gola në 46 ndeshje.
