Mbretëria e Bashkuar ka regjistruar 563 vdekje sot, duke e bërë atë ditën më të keqe deri më tani në krizën shkatërruese nga COVID-19.
Numri i personave të vdekur në vend ka shkuar në total në 2,352 - rritja e sotme është 48 përqind më e madhe se rritja e djeshme me 381 viktimave dhe shton totalin me 31 përqind në ditë.
Deri tani kanë rezultuar pozitivë për COVID-19, 29.474 njerëz. Mbretëria e Bashkuar është vendi i pestë i goditur më shumë në Evropë dhe i teti në botë.
Uellsi sot regjistroi 29 vdekje të reja të shkaktuara nga koronavirusi së bashku me 16 vdekje të tjera në Skoci dhe dy në Irlandën Veriore. 486 viktima u deklaruan në Angli dhe 11 mbeten të pa llogaritura.
Pacienti më i ri i njoftuar sot ishte një 13-vjeçar, që besohet të ishte Ismail Mohamed Abdulwahab nga Brixton, Londër. Ai vdiq në Spitalin King King. Pacienti më i vjetër i përfshirë në përditësimin e sotëm ishte 99 vjeç, shkruan Daily Mail.
Madhësia e vërtetë e shpërthimit mbetet një mister për shkak të politikës së diskutueshme të Mbretërisë së Bashkuar për të testuar vetëm pacientët në spital - dhe jo dhjetëra mijëra britanikë me simptoma më të buta që po shërohen në shtëpi./Gazeta Liberale
