Çmimi i naftës bruto në bursën ndërkombëtare ka zbritur në nivelin më të ulët, që prej fillimit të luftës në Ukrainë.
Në bursë, një fuçi naftë kushton 93-94 dollarë, nga mbi 103 dollarë që ishte çmimi në fund të korrikut.
Lidhur me këtë ka reaguar edhe Presidenti i Shteteve të Bashkuara të Amerikës, Joe Biden, i cili deklaroi dje se çmimet janë në rënie rekorde.
“Ne arritëm të lirojmë një milion fuçi naftë në ditë nga rezerva jonë dhe mblodhëm partnerët tanë globalë për të liruar rezervat e tyre. Tani çmimet janë në rënie rekorde”, deklaroi Biden.
Çmimi i naftës në bursë është në rënie, ndërkohë që nuk ka ende asnjë informacion zyrtar nga Bordi i Transparencës për çmimin e naftës dhe benzinës në Shqipëri. Hera e fundit që Bordi u mblodh ishte data 2 gusht.
Njoftimi i datës 2 gusht 2022:
Bordi i Transparencës në datë 2 Gusht 2022, në mbledhjen e radhës vendosi:
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 207 lekë/litri,ndërsa i shitjes me shumicë jo më shumë se 195 lekë/litër.
✅Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
🗓Çmimet e caktuara nga Bordi do të hynë në fuqi sot datë 2 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
🛢Jemi në monitorim të vazhdueshëm të ecurisë së bursave, me qëllim reagimin sa më të shpejtë. /Liberale.al
