Momente tmerri në Londër, ku një vajzë 11-vjeçare dhe një grua 34-vjeçare u plagosën me thikë mu në qendër të kryeqytetit anglez. Ngjarja ka ndodhur në zonën tregtare të Leicester Square, e mbushur me turistë.

Sulmuesi, siç raportohet nga policia e Westminsterit, u arrestua. Gruaja dhe vajza e vogël, të cilët mbetën të plagosura, u shpëtuan nga shitëset teksa prisnin mbërritjen e mjekëve të cilët më pas i transportuan në spital me ambulancë.

Policia tha se nuk beson se ka të dyshuar të tjerë.