Në vetëm një javë, ushtria ruse ka sulmuar 22 qytete në rajonin e Kharkivit, në Ukrainë. Lajmi është bërë i ditur nga kreu i Administratës Ushtarake të këtij rajoni, Oleh Synehubov.
Sipas tij, gjatë javës së kaluar janë kryer sulme ajrore në shumë pjesë të rajonit. Nga këto sulme kanë humbur jetën 5 persona, ndërsa 28 të tjerë janë plagosur.
Qytetet më të goditura janë Kharkivi dhe Kupiansku, ku ka pasur shumë dëme materiale dhe njerëz të lënduar.
Autoritetet vendore po punojnë për të ndihmuar banorët dhe për të riparuar dëmet e shkaktuara nga bombardimet.
