Një tjetër shpërthim i fuqishëm ka tronditur kryeqytetin iranian mbrëmjen e sotme, duke shtuar edhe më tej tensionin në Teheran. Kësaj here, shpërthimi ka ndodhur në pjesën veriore të qytetit, duke detyruar autoritetet të mbyllin pjesërisht Rrugën Valiasr, një nga rrugët më të rëndësishme që përshkon Teheranin nga veriu në jug.
Ky shpërthim vjen pas disa të tjerëve të dëgjuar më herët në zonat lindore të kryeqytetit, duke krijuar ndjesinë e një situate të përshkallëzuar dhe të pasigurt mes banorëve. Njerëzit raportojnë për zhurma të forta dhe lëkundje, ndërsa frika dhe paniku janë ndjerë gjerësisht në lagjet përreth.
Pamje të shpërndara nga vendngjarja tregojnë shtëllunga të dendura tymi të zi që ngrihen mbi zonën lindore të qytetit, megjithatë deri në këtë moment nuk ka pasur një reagim zyrtar nga autoritetet për shkaqet e shpërthimeve apo për ndonjë bilanc të mundshëm viktimash apo dëmesh materiale.
Për momentin, banorët janë këshilluar të shmangin lëvizjet në zonat e prekura, ndërsa forca të shumta të emergjencës janë parë duke operuar në terren. Situata mbetet e paqartë dhe zhvillimet pritet të ndjekin orët në vijim.
