“Jam Elifi nga Manastiri.
Mos na harroni neve.
Të duam Shqipëri.”
Është thirrja e një vajze shqiptare brenda një biblioteke në Manastir, qyteti i alfabetit shqip, e cila pas publikimit është bërë virale në rrjet. Elifi kërkon mbështetjen nga vendi amë që shqiptarët në trojet e tjera shqipfolëse të gëzojnë të drejtat themelore, të gjuhës amtare, arsimimit, punësimit etj.
Fotoja është publikuar fillimisht nga “Linkest” dhe më pas nga Ermira Selimi, një studente shqiptare nga Maqedonia e Veriut, e cila ndërmori iniciativën e vyer për të hapur një bibliotekë me libra në gjuhën shqipe në qytetin e Manastirit.
