Globi

Ishulli i derrave që hanë briosh dhe patate të skuqura

Shkruar nga Liberale

Ishulli i derrave që hanë briosh dhe patate të skuqura

Përshtati për Liberale.al, Laert Miraku

Në Bahamas ekziston një ishull i banuar ekskluzivisht nga derra, për origjinën e të cilit ka hipoteza të ndryshme. Këto kafshë hanë ushqime të sjella nga turistët.

Në shtetin e Bahamas, në arkipelagun Exuma, ndodhet Pig Island, ose Pig Beach. Është një ishull i vogël i pabanuar, i vendosur rreth 70 kilometra larg bregut të Staniel Cay. Ishulli është rreth 300 metra i gjatë dhe rreth 150 metra i gjerë.

SI ARRITËN ATJE? Historia e ishullit të derrave është e mbuluar me mister. Teoria më e pranuar është se derrat u braktisën në ishull nga disa marinarë në shekullin e 19-të. Derrat, duke u gjetur në një mjedis të pasur me ushqim dhe ujë, arritën të mbijetojnë dhe të riprodhohen, duke i dhënë jetë një kolonie që sot numëron rreth 20-25 ekzemplarë.

Një hipotezë tjetër thotë se derrat janë lënë atje nga një grup peshkatarësh përpara një udhëtimi të gjatë, në mënyrë që t'i gjenin në kthim dhe t'i përdornin si burim ushqimi. Peshkatarët, megjithatë, me sa duket i braktisën derrat në ishull kur nuk frekuentuan zonën.

Pavarësisht nga origjina e tyre, derrat e Plazhit të Derrit janë bërë tashmë një atraksion i vërtetë turistik. Çdo vit, mijëra turistë vizitojnë ishullin për të notuar me derrat dhe për të bërë foto suvenir.

ATA JANË SHUMË TË MIRË! 

Përveçse janë të famshëm për aftësinë e tyre për të notuar, derrat Pig Beach janë të njohur edhe për natyrën e tyre të urtë dhe të shoqërueshëm. Kafshët janë mësuar të kontaktojnë me njerëzit dhe nuk janë aspak agresive.

Një kuriozitet tjetër ka të bëjë me ushqimin e preferuar të derrave. Derrat i duan mollët, por nuk e kanë problem edhe ushqimin turistik, si patatet e skuqura, brioshët dhe gjel sheqeri.

Ishulli i Derrave është një destinacion unik dhe i paharrueshëm turistik. Takimi me derrat është një përvojë që do të mbetet e skalitur në kujtesën e të gjithë vizitorëve.

Liberale Newsroom

Poll
SHQIPENGLISH