Autoritetet greke po hetojnë në disa pista për të arritur në gjurmët e autorit/autorëve të vrasjes së 40-vjeçares shqiptare në Athinë.
Gruaja u gjet nga autoritetet në kryqëzimin e rrugëve Parnithos dhe Aristotelous, një nga pikat më qendrore të Menidit, me një thikë në bark dhe e mbuluar nga gjaku.
Sipas informacioneve, nga të dhënat e para të mbledhura nga EL.AS., rezulton se 40-vjeçarja gjatë javës së Pashkëve u ishte drejtuar autoriteteve dhe kishte denoncuar bashkëshortin e saj për dhunë në familje.
Asokohe policia i kishte shprehur gatishmërinë që ta çonin në një strukturë mbrojtëse, por ajo e refuzoi. Tashmë autoritetet po kërkojnë partnerin e viktimës, por pa përjashtuar edhe pistat e tjera.
