Globi

Anija përplaset me urën e Bruklinit në New York, 2 të vdekur dhe 19 të plagosur

Shkruar nga Liberale
Anija përplaset me urën e Bruklinit në New York, 2 të vdekur

Dy persona humbën jetën dhe 19 të tjerë u plagosën, dy prej të cilëve në gjendje kritike, pasi një anije stërvitore e marinës meksikane u përplas në Urën e Bruklinit në New York City.

Lajmi u dha këtë mëngjes nga kryebashkiaku Eric Adams.

Adams tha në Platformën “X” se tre nga direkët e anijes u dëmtuan mbrëmë kur anija goditi urën për shkak të një defekti mekanik, raportoi NBC.

Zhytësit po hetojnë zonën përreth urës si masë paraprake, thanë më parë tre burime policore.

Komisioneri i Transportit të Qytetit të Nju Jorkut, Idanis Rodriguez, tha se kreu i departamentit të urës ishte në vendngjarje dhe një vlerësim paraprak arriti në përfundimin se nuk kishte shenja të dëmeve të mëdha. Adams tha se ura është e hapur për kalim. Anija, me 277 persona në bord, u nis për në Islandë.

Liberale Newsroom

A duhet ta ftojë PS-ja PD-në në një bashkëpunim më të hapur në qeverisje, për të arritur objektivin e përbashkët të anëtarësimit në BE?

  • Po!
  • Jo!
SHQIPENGLISH