Në prag të pritjes së vendimit të Këshillit Europian për çeljen ose jo të negociatave për anëtarësim me Bashkimin Europian, ish-kryeministri Sali Berisha ka komentuar në lidhje me kushtet e vendosura nga Bungestagu gjerman.

Në një intervistë në RTV Ora Berishës tha se kushtet janë të qarta dhe pa u përmbushur ato nuk mund të hapen negociatat. Ai tha se në të vërtetë janë 13 kushte nga të cilat vetëm 1 sipas tij është pjesërisht i plotësuar.

“Kushtet janë 7 por mund të zbërthehen në 13, nga këto vetme 1 mund të jetë përmbushur pjesërisht” tha Berisha dhe shtoi se i vetmi kusht i plotësuar është “përparimi në procesin e vetingut dhe prokurorëve por dhe ky pjesërisht”.