Kryetari i Partisë Demokratike, Lulzim Basha falenderoi Shtetet e Bashkuara të Amerikës për ndihmën e akorduar së fundmi në favor të Shqipërisë për të përballuar pandeminë e koronavirusit.
Në një postim në Twitter, Basha shkruan se falë mbështetjes së SHBA, do të mundohësohet rritja e testimeve, si e vetmja mënyrë për të kuptuar përhapjen e virusit.
"Mirënjohje SHBA & @USAmbAlbania për ndihmën kundër COVID-19.Falë saj, mundësohet rritja e testimeve & aktivizimi i zbulimit dhe mbikqyrjes së të infektuarve & kontakteve të tyre.Testimi është e vetmja mënyrë për të kuptuar përhapjen e virusit dhe projektuar rrugëdaljen nga kriza", shkruan Basha./Gazeta Liberale
